Printer Friendly

Weithiau mae'n fendith cael byw mewn gwlad fechan yn adnabod pawb.

Byline: rhys MWYN

DWI'N gwybod fod Cymru ar adegau, yn gallu bod yn le bach, pawb yn nabod pawb, dim modd cadw unrhywbeth yn gyfrinach, dim llonydd pan mae rhywun eisiau llonydd, pawb arall yn gwybod mwy amdanoch na 'da chi'n wybod eich hun. Gor-ddweud ychydig efallai, ond yn ddiweddar cefais sawl un yn holi sut roedd y symud tye wedi mynd? Am beth roedd rhain yn sn dudwch? Dwi ddim wedi symud tye a does gennyf ddim bwriad symud tye. Yn l un papur newydd roeddwn bellach yn byw yn Waunfawr. Rwan does dim o'i le ar fyw yn Waunfawr, yn wir mae'n le dymunol iawn i fyw ynddo, pentref y Beganifs a'r Big Leaves, pentref wrth droed Moel Eilio, ardal lechi a mwyngoddio haearn yn nyffryn Gwyrfai. Mi fyddwn ddigon hapus mae'n siwr yn Waunfawr.

Ond dwi dal yn Twthill, Caernarfon, mae'r plant yn yr ysgol leol - dwi ddim yn bwriadau symud yn fuan. Rhyfedd felly oedd gorfod dweud wrth bawb "peidiwch a choelio popeth da chi'n ddarllen yn y papurau".

Mae'n hen ddywediad gennyf am wneud cyfweliadau hefo'r Wasg "os dwi'n dweud un, dau, tri mae nhw'n printio pedwar, pump, chwech," - rhai yn waeth na'i gilydd wrth gwrs.

Ar y llaw arall mae ochr dda i hyn hefyd, sef bod y Byd Cymraeg mor fach, ar adegau mae'n teimlo fel un teulu bach hapus, hynny yw os nad ydym yn ffraeo. Cael gwahaniaeth barn efallai sydd anodda, achos 'da chi siwr Dduw o weld rhwyun os ydych wedi eu beirniadu mewn print, neu ddadlau am rhyw achos ar y Cyfryngau ond dyna fo...

Yn ddiweddar, rwyf yn wythnosol ddod ar draws rhai cymeriadau, llwybrau yn croesi, dilyn trywydd tebyg, rydym yn amlwg yn rhannu diddordebau, yn debyg mewn rhai ffyrdd, yn wahanol iawn mewn ffyrdd eraill ond mae yna bethau yn dod a rhai ohonom at ein gilydd.

Efallai mai ni yw'r ffoaduriaid o'r Byd Pop, fe ddiflannodd yr incwm o'r Byd Pop Cymraeg, dydi'r maes yna ddim yn cynnig bywoliaeth bellach felly dyma ni, y ffoaduriaid, yn arall gyfeirio. Fe all rhywun ddadlau fod y ffoaduriaid Pop yn bobl amryddawn, aml-ddisgyblaeth, galluog yn gallu troi eu llaw at bob math o waith. Ond does dim dewis chwaith ... ... .. neu mae'n hen bryd cael newid.

Cynllun Deinamo, cynllun i hyrwyddo'r syniad o ddechrau busnes eich hun, sydd wedi dod a nifer ohonom at ein gilydd. Rydym yn ymweld ag ysgolion a cholegau yn sn am ein profiad yn y byd Busnes yn y gobaith ein bod wedyn yn ysbrydoli cenhedlaeth newydd o Gymry ifanc i fentro. Ac yma ar gylch-daith Deinamo byddaf mor aml yn cyfarfod 'r hyrwyddwr, rheolwr, digrifwr, actor, trefnydd a'r hynod ymryddawn Mici Plwn.

Byddaf hefyd yn aml yn cwrdd 'r rapiwr, y trefnydd, y colofnydd a'r dyn cysylltiadau cyhoeddus, Deian ap Rhisiart (MC Saizmundo yw ei enw rapio, enw barddol ar gyfer yr G21ain).

Mae Deian a finnau hefyd yn y maes tywys, yn arwain teithiau cerdded a theithiau ymwelwyr ond yn yr wythnos yma, Mici Plwm yw'r gwer dan sylw achos rwyf yn gweld Mici bob pnawn Llun yn y Ganolfan yn Nefyn gan ei fod yn cydlynu cynllun Heneiddio'n Dda Nefyn, a finnau wedyn yn mynd a'r criw am dro bob pnawn Llun. Fel dywedais rydym yn gymeriadau amryddawn aml-alluog - un diwrnod mewn ysgol, y diwrnod nesa yn crwydro strydoedd Nefyn yn edrych ar hen adeiladau.

Rwyf yn edrych ymlaen at wahanol ddosbarthiadau sydd gennyf bob wythnos. Bu'r croeso a'r gefnogaeth gefais gan Ddosbarth WEA Bryncroes yn rhywbeth a wnaeth i mi deimlo yn freintiedig iawn cael bob yng nghwmni pobl Pen Llyen ac yn ddiweddar rwyf wedi derbyn cefnogaeth tebyg gan ddosbarthiadau nos yn Llanfaelog, Brynsiencyn, Llanfairpwll, Blaenau Ffestiniog a'r Lasynys Fawr, croeso cynnes, cyfeillgarwch ac rwyf innau'n dysgu cymaint ganddynt.

Felly pnawniau Llun, Nefyn amdani. Os dwi'n cyrraedd ddigon buan caf ginio yng Nghaffi'r Penwaig. Fel dosbarth rydym eisoes wedi ymweld 'r hen Eglwys, Santes Fair a safle'r Amgueddfa Forwrol a'r wythnos dwetha cawsom drip ar y bws mini i Eglwys hynafol Pistyll gan dreulio awr hamddenol yn eistedd yn yr Eglwys yn trafod nodweddion hynafol y safle, y bedyddfaen Geltaidd a'r murlun o ocr coch yn dangos Sant Christopher cyn gorffen ein ymweliad wrth garreg fedd yr actor Rupert Davies (Maigret wrthgwrs).

Yr wythnos hon rydym am gerdded o amgylch Nefyn gan oedi ger yr holl gapeli, Soar, capel yr Annibynwyr a godwyd ym 1880 ar gyfer y mewnlifiad o chwarelwyr o Benmaenmawr a Swydd Caerlyr; adeilad newydd Capel Isa lle bu unwaith y Capel Calfinaidd; Seion, capel y Bedyddwyr a adeiladwyd yn lle'r hen gapel ar y Fron a wedyn Moreia, Capel y Wesleaid 1881. Y nod yn wythnosol yw gwneud ychydig o gerdded a chadw'n heini ond ein bod hefyd yn dysgu rhywbeth ac yn ymweld rhyw safle.

Yr hyn sydd yn braf am Nefyn yw fod Mici Plwm hefo ni felly rydym yn cael y drydedd cyfraniad - sef diddanwch pur, digrifwch, tynnu coes a phawb felly a gwn fawr ar eu gwyneb.
COPYRIGHT 2012 MGN Ltd.
No portion of this article can be reproduced without the express written permission from the copyright holder.
Copyright 2012 Gale, Cengage Learning. All rights reserved.

 
Article Details
Printer friendly Cite/link Email Feedback
Title Annotation:Features
Publication:Daily Post (Liverpool, England)
Date:Jun 27, 2012
Words:836
Previous Article:WMDs, the peace process and Falklands sovereignty.
Next Article:Gwerthu tocynnau at achos da.

Terms of use | Privacy policy | Copyright © 2018 Farlex, Inc. | Feedback | For webmasters