Printer Friendly

Omauyelele nomakwatathano gopautekinolohi (ICTs): ondjila yoku ya muuwiliki: uupenda owa pumbiwa mokwiilonga nomokuninga omuwiliki.

Oshikando shandje shotango okutalelapo New York, onda li nda tsakanene naakuume kandje ngoka a enda ko nale. Onkene onda kala ndi itula muye opo e tu pukulule sho twa yi moondjila dhokohi yevi dhomashina gokolutenda. Ethimbo nethimbo otwa kala tu li mondjila yolutenda ndyoka yi li mondjila, ihe otwa uka kombinga ya puka. Konima yiikando yontumba yoku uva nayi onda mono kutya ondi na okuninga ehongololo lyasha. Ehogololo limwe okutsikila ndu uvite kutya okaalita koondjila dhomashina gokolutenda gokohi yevi gaNew York itaka uvika ko, nangame mwene itandi vulu oku uva ko ookoonde ndhoka nenge ehogololo ekwawo ondi na okutokola ndi ethe po omadhiladhilo gandje omafupi nokuza muumbanda moka ndi li, e tandi tameke okwiilonga nkene omalweendo ngoka taga ende. Osha li etokolo edhigu okukambadhala owala ndi uve ko okaalita hoka, neinekelo kutya iinima tayi ka yela shito. Onkene onda kambadhala oku shi ninga. Inapu pita ethimbo ele ngame nakuume kandje otwa tameke okukwathathana, opo tu kwashilipaleke kutya otwa uka kombinga ndjoka yi li mondjila notatu lundulukile momashina gomondjila. Konima yomvula, onde ke yi adha ishewe moNew York, ashike oshikando shika otu li naakuume gulwe ngoka ina enda mo nale. Ipula kutya onda li ndi uvite nawa ngiini sho nda li ndi ilongo nawa okaalita ethimbo lya pita? Molwaashoka ngashingeyi ongame tandi kwatele komeho olweendo nengungumano nonomukumo.

Oitaneta ndjoka tayi tu pe omauyelele niilongitho yokuninga omakwatathano gopautekinolohi nayo oyi na uukwatya wa faathana woku ku ninga omuwiliki. Manga omuntu ina tala kutya oshitya "omuwiliki" otashi ti ngiini, ngame ondi wete kutya omuwiliki omuntu ngoka tayi e ki ikongele ye mwene omayamukulo ge. Omuntu ngoka ha lombwelwa aluhe kutya na ninge shike, ota ulike kutya ke na uukwatya womuwiliki. Omukalo gwanathangwa gwokumona uukwatya womuwiliki momuntu okutala oonkambadhala dhe mwene ndhoka ta ningi miilonga ye. Oshinima shika otashi vulu shi kale oshinima shanathangwa ngaashi to vulu okuya mongulu yosikola e to mono mo embamba lyokutula iiyagaya lya lala mokati kondjila okuya koshipundi shoye. Aantu yamwe otaa vulu okweenda kulyo, yamwe taye li piti pomunkulo nenge taye li thangele koombinga dha yooloka. Omulongwa ngoka te ke li toola po noku li tula pehala mpoka ha li kala ota ulike uukwatya womuwiliki. Omolwashike? Okwa dhimbulula kutya opu na ompumbwe e ta yamukula kompumbwe ndjoka. Omuntu nguka ina pumbwa okulombwelwa e shi ninge. Omuntu nguka ine iyutha kelombwelo lyasha. Pamukalo gwa faathana omuntu ota vulu okuhogolola a longithe oitaneta miinima oyindji yaashi ashike yokwiinyanyudha. Omuntu ota vulu okupula nawa oitaneta: "omayimbo ogashike nda taalela?"

"Ookuume kandje oye na uupyakadhi washike?", "iimaliwa yandje otandi yi longitha nawa giini opo ndi kandule po oluhepo mofamili yandje?"

Ngele ku na omapulo gasha, otashi

ulike kutya kehe oshinima owe shi taamba ko shi li ngaashi shi li nomalunduluko agehe ngoka taga holoka monkalamwenyo yoye otage ke ya ike taga wilikwa komuntu gulwe. Oshinima sha tya ngeyi oshiwanawa tuu kungoye?

Ipula mwene kutya owa hala okukala lye naashoka wa hala okuninga. Ngame itandi popi ashike kombinga yomaithano giilonga nenge gokumona omaliko. Ino hala okutseya okupopya nawa? Ino hala okutseya okukondolola ongeyo yoye nenge okulongitha nawa ethimbo lyoye? Lesha sha kombinga yekondololo lyomaiyuvo gomuntu e to tala kutya omadhewo genipo to vulu okuninga, opo wu kale to vulu okukala wi itula moshinima ethimbo ele. Owu mukukutu, iho gandja sha nenge owu munanyalo? Tala kutya omikalo dhoye oto dhi lundulula ngiini. Owa li nompito yokuya kounivesiti ndjoka wa hala, ya simana onkulukulu nenge yopashinanena. Ihe natango owa tegelela omuntu gulwe e ku ulukile nenge e ku lombwele shoka wu na okuninga monkalamwenyo yoye.

Mpaka onda hala okukunkilila aakiintu aagundjuka Aanamibia. Kuume kandje ... owu na okulonga iilonga yomegumbo ngoye ino pitikwa leia oku ka longa sha pondje yegumbo. Ihe ngele oho vulu okulongitha okompiuta nenge to yi koitaneta to longitha oselefona yoye, nena oto vulu okutokola kutya owa hala okwiilonga shike monkalamwenyo yoye. Peha lyokutegelela, inda pondje e to ka mona omayamukulo goye. Omayamukulo ngoka inda nago kaantu yalwe e to lundulula oonkalamwenyo dhawo nawa.

Hulitha po okwiilombwela kutya ito vulu okuninga sha. Oto vulu. Omauyelele nomakwatathano gopaukekinolohi otaga vulu okulundulula onkalamwenyo yoye. Ino kala ashike wa tala kungame. Inda! Ilonga nkene to vulu okuninga iinima ngoye to tindi okukala wa thikamena ashike iinima ngoye ito ninga sha--iinima mbyoka to vulu okuninga molwuuwanawa woye mwene. Onkalamwenyo nonakuyiwa yoye nayi kale momake goye.
COPYRIGHT 2014 Sister Namibia
No portion of this article can be reproduced without the express written permission from the copyright holder.
Copyright 2014 Gale, Cengage Learning. All rights reserved.

Article Details
Printer friendly Cite/link Email Feedback
Publication:Sister Namibia
Date:Dec 1, 2014
Words:708
Previous Article:Female Nobel Prize Winners.
Next Article:The fate of foolish financing.

Terms of use | Privacy policy | Copyright © 2021 Farlex, Inc. | Feedback | For webmasters |