Printer Friendly

Maudona ge gwano ezimo no unona-nona.

Egwano ezimo no unona-nona, nsene mukadona a gwana ezimo age simpe nomvhura nonsesu. Nsene a gwane-kera panyama no mumati, yikare nom-vhura dononsesu ngwe dendi, ntani mukondi monomvhura.

Eyi ayi ninkisa vanona wo vakadona wo nomvhura do nonsensu va gwane mazimo no unona-nona. Ku kara ne dowo iyo mutjima, iyo kukara pamwe panyama no mumati ndi mugara kondi. Ntani enyenyeno, lyo kuhara yuma yoyiwa ngwendi: mudwaro, yimaliwa, no ngodi do ko mawoko, nondya do ndiro ntani ku gendera mo matuwa.

Ruhepo narwo rumwe aru ninkisa vanona wo vakadona. Mom/a kwato oku na gwana eyi ana heap.Yiyo nayi kamu ninkisa a ka pure mugara go mukondi, ogu va ku tun-bura mereka lyo ruzera as. Morwa age a kara no yimaliwa, a mupeko yipo a rande eyo ana hara ngwe ndi, yikoverero, non-sewa, magadi rambangako no usura. Mo ku ninka nye mugara go mukondi yipo a mupe yimaliwa, ntudi tava kara kumwe panyama.Vakondi vamwe yiwo va ku ninkisa ndi. Kutarerera vanona wovakadona navareta nondya membo, age kapi arugana, nye kwato epuro asi kupi o yigwana.

Eruganeso yikorwesa momudona nalyo limwe lya ku gwederera egwano mazimo no unona-nona. Mukadona nsene ana hara kunwa marovhu, age yimaliwa kwato, tapura Sugar Daddy a murandere marovhu. Mo ku ninka a kite og marovhu ana nu, ntudi ta va ka kara pamwe pa nyama.Yinke nye eyi kwamako? Ta gwana ezimo ntani uvera nsene kapivana kuruganesa singumi.

Maudona aga ga kara megwabo ezimo no unona-nona, kuka ninkisa munona Go mukaadona a katunde mo sure. Vamwe kuka kara no udigu a tengwire mo sure.

Mukadona apa na tumbura mumati ogu amupe ezimo, mumati ta nyo-ka. Morwa a tjira kurera ezimo no mukeke, kwato oku na gwana yo kureresa munona. Nsene mugara go mukondi nage ta nyokaa morwa age ga kwara. Po ku hampuruka ta ka gwanekere no udigu we tauro, mor-wa nonyonga nonsesu. Mukadona te heap no munona, morwa kwato oguhwe ava va ku murera, vamupe mudwaro, nonsewa, magadi, nondya ntani yimaliwa.Vakondi wornukadona yi won a vahepa, varere ozina no mukeke. Mukadona mo uruvi wendi kwa kuli dingamo nkango ruhepo, kwato oguhwe! "Kwato oguhwe", kwa-to oguhwe, kwato oguhwe. Eyi nayi kwamako morwa ruhepo, mukadona ta gazara nye ntudi nakona kupura mugara gomukondi gokurugana tukare nage panyama yipo a papenge yimali-wa, nirereseko munange. Simpe ta ka gwana uvera womomakehe ngwendi endongo ne tjukumuna ntani uvera wo HIV/AIDS.

Vanona wovakadona meho zeni momawoko ga nyamweni kapisi mova-kondi, haawe! To komeneni elirongo lyeni yipo komeho mukalisikamene pwanyamweni.Vanona nononk-wara ngo mukayigwana komeho. Vakadona liporeni ko vamati, nsene kapi o kuvhura ruganesa yilipopereso youkukandana po ezimo ku kandana po ezimo lyelike nye kapi azi kan-dana po uvera, Kuruganesa singumi o lipopereseko ko mauvera.

Fillipus Mapeu

Fillipus is a very active community activator from Mupini village in the Kavango region.

COPYRIGHT 2013 Sister Namibia
No portion of this article can be reproduced without the express written permission from the copyright holder.
Copyright 2013 Gale, Cengage Learning. All rights reserved.

Article Details
Printer friendly Cite/link Email Feedback
Title Annotation:Community Voices
Author:Mapeu, Fillipus
Publication:Sister Namibia
Date:Sep 1, 2013
Words:461
Previous Article:The risks of teenage pregnancy.
Next Article:IlGui!nab oseb skola Ikhai.

Terms of use | Privacy policy | Copyright © 2019 Farlex, Inc. | Feedback | For webmasters