Printer Friendly

Mamakadi kwa ntunga ame.

AGNES KWA UPA LIPARU MOOMO UNA KUYA UKARE ASHI RUHAFO, LIGUVO, NDUNDUTJIMA NDI KEHEMUNO VINA KARERE. UYE KUPANDURA KEHE VINO VINA KUYO MUUPARU LYEDI NA KUVIRUGHANITA MUNARUWA AWANEMO PAGHUWA. AGNES KWA NTANTELIRE ASHI, "VAMAMA KAVA MVHIKANGA MUMUGHONGO VANTWARE KUSHURE URE WA MWAKA MBIRI (2). VAVO UMWE WAVANTU VAMULYO SHIRI MUUPARU LYANDE. AME KUNA SHANA ASHI NDI KUNA YA NKENGE ASHI MUKAMAU WAKUFANA WENI NA YA KARO".

A pa a tikire mwaka 29, Agnes, mukadona wakumambo a tunduliro paBunya, mukunda uno wakarero muKavango utokero, kilometera dimurongo ne (40) kutunda mudoropa yaRundu. Uye weno ana kara ngoli mukadona ana kuyimaneno pamwene munkurumbara. Agnes kwa parukanga mu mpatakani, pangurova uye ka kushonga pashure kurona yaUNAM shishongwa sha kuhamena ku lihungomwenyo (social work) okuno uye murughani kuUminisiteri waMina namukuhamitiri mo muliparu lyamunkarapamwe. Agnes a hora kudana, kudana bala yaBasketball ntani kukaraghura navaholi vendi mushikondo vike. Uye kuna kupembura liparu mpopo ana kuvhulira.

Shininke shimwe osho shi kurenkito udire kumushetakanita kumwe navaunyendi ne uye kwa huguvara shipuna shamakosho mukuyenda. "Umanguruki waliparu lyande kwatamekilire pashipuna shande shakuhova shamakosho" mo ana kughamba. Agnes kwarukire lidina muholi wendi waliyuva nalintje: ndje "Gabriel", Kumeho ya mayuva gha Gabriel, Agnes kwa kalire nashitangalimba sha kuyenda, makura vantu vamulipata lyavo kava muyakuranga muku utwara oko ana shana ndi pamwe kukokava. Vanyakulyendi mbo kava muvhikango "Mumughongo" pakuyenda napakavyuka kushure. Virughana vyashihoro vino kapi vya kalire usheshu kuvivike vya ngandi ngoli napa nopanya litokomeno lya shirughana kunyara mwaka mbiri lyakyo lyakyererero. Kushirughana shino sha mbatero nashihoro, Agnes kwa ghambire ashi "vamama kwa pulire mughu konentu wande nakushana ku ka nkenga na ka wana mo liparu olyo lyantumbukiro. Kwa mpire nkondo da litokomeno nanpiri muruvede rwamaghudito. Shirwamena shande ndi kuna kunkenga ngoli ruvede runo ashi mukamali munke na ya faro weno". Ngoli Agnes a ya kara ngoli mumanguruki namukamali wa maghano djuni ntani kapi a tjira nga mukurupwita lighano lyendi.

Vanyakulyendi kwamupire ngondo dakufunda vita vya muliparu lyendi pa wanuke, ntani kwa mutantelire nka ashi a kwate mavoko mavili nkehe kano ana wana mpopo aka hulira. Apa a kalire namwaka murongo namwe (11) makura a yendi mumundi wa vanuke vakaro na maghurema gha kukushuva-shuva vatwenyanga ashi Cheshire Home. Ku Cheshire Agnes kwa ka mushongire vihepwa navindje a pumbwire mu kukara mumanguruki. A yendi kushure ya kuvhonga virema navanuke va vawawa oko a ka wanine shipuna shendi sha kuhova sha makosho. "liparu lyande lyaumanguruki kwa tamekire na shipuna shande sha kuhova shamakosho" a ghamba. Naruguvo rwarunene vanyakulya Agnes a vatamenke kuvera. Muruvede ndoru vawina vaAgnes vavyukire kuliro vaka pakere mbiri vanyakulyendi navanuke. Vanyakulya Agnes kwa dohorokire mu mwedi waPembona mwaka wa 2003. Kapi pa pita kantando uye shimpe a liri vanyakulyendi, vawina navo a va dohoroka muruku rwa mwaka umwe mumwedi wa Nkurupemba mwaka wa 2004.

Vipuna vyamakosho navintje vya ya kwamino ko kundereko nampiri shimwe shakushetakanita kwa "Gabriel". Vyavyo kapi vya muvhatilire yira moomo a vi taterelire. Mwaka da kawaminoko livango lyendi lyamashungiliro a li tarneke kumupa maudito. kapishi kuyuva tupu udona-dona, natjutju ngoli. Uye navintje vino kapi a vi pakelire mbiri mukondashi uye kwa hafire mukumuvhatera a yerdaure panaumwendi. Mwaka ntatu dina ka pito Agnes kwa mukwatikire uvera wa Scoliosis, ogho wa tundiro kushipuna shakupira kugwaneka nawa ndi kapishi ndje sha tamba.

[ILLUSTRATION OMITTED]

"Na shana kukwara ngani wane vana, ene ngoli kuna kumona udito ogho na kara nawo nauvera wande". Kapi na yiva ashi navintje vino ngani vhura kuvipita ndi weni. Ame kukwama vaunyande vakaro naurema yira wande nakuwanako nkondo kumaparu ghavo, shinenepo mukutameka mapata. Na ghayalire ame shipuna shamakosho kutjida vamati nani ngoli lipuko. Ame na shana ngani ka kare nalipata lyanaumwande liyuva limwe. Kutwara mumaghayadaro gharumwemwe a tanta ashi."

Ame kupandura ovyo lya mpa liparu. Kehe pano ame kwa shanine kukuhamitira mumaudano ntani na rorokire kukengera tupu vantu ovo vana kudano. Apa na wanine mpito yakudana basketball, kwa kalire shira ene ngoli weno ame kuna kara mushipuna osho. Meshi kukuyuvha uwawa.

Pakutimwitira naAgnes wamaghano gha kumanguruka, nakuvhura shi u ghayare ashi naye a kara namayuva ghendi ghaggito ndi ghamadona. Ene ngoli ushiri ngouno ashi uye kupita mumaudito ghakupira kuvhura kuvara kehe liyuva. Liparu lyande kwa kara nampumbwe ya marupe ghamayingi. Viyendera muVinduka kapishi ureru, na huguvara vene ashi mushingi wa Taxi umwe ndi a kare namuntjima wauwa. Mo ashwekire Agnes kuhamena maudito ghaviyendera muVinduka, shingi shavashingi vaTaxi kapi vaholire kupitura Agnes, rmukondashi kumana ruvede pakurondeka shipuna sha makosho nanaumwendi muTaxi. Weni ngoli omo u ronda mushihauto shande? Ogho ngo mapuro a kugwanekeranga nawo Agnes. Maruvede ghamwe hasha tupu kukara kumundi kupitakana omo una kukugwanekera namaudito pandje. Ene ngoli pakukughayara naumwande navyo na shana kukakara kushapuka na kukukambeka djoko oyo. Nampiri ukaro wakushurekurona yaUNAM kapi wa kalire wauwa kwendi. Mapaya ghakukanduka nakughurumuka kehe pano kudjonauka. Ogho ngo udito ngoli waunene. Vakashure vaunyendi kumuvatera. Agnes kakupuranga shiri mapuro ghamangi, "weni ni ka tika munkondashongero, kuni wana vene mushingi taxi ogho a vi hafero vyakuntwara me, ndi vantu kuva vhura kughambaura name yira momo vana kughamba navaunyande ndi. Oghano ngo ngoli maghano ghawoma kakupuranga muliyuva.

Ene ngoli Agnes kashetekerangako kufunda maudito naghantje ogho." Una hepa kutambura vininke wakara navyo, nampiri vyavididi. Shinenepo ukanguki woye. Wa sha u cakwida tura mulighano ashi vavangi vana kushano ovyo wakara navyo. Natuvantje kukondja muliparu mumarupe ghakukushuva-shuva. "Ovyo vyoye ngoli ashi vinke una shana kurughanita ko. Likondjo lyoye kuvhura likare ndondero yakugharura mavero nakuwana yira ovyo vyandjero ame."

Mutjangi Sonia Monger * photographs Sister Namibia and contributed
COPYRIGHT 2016 Sister Namibia
No portion of this article can be reproduced without the express written permission from the copyright holder.
Copyright 2016 Gale, Cengage Learning. All rights reserved.

Article Details
Printer friendly Cite/link Email Feedback
Title Annotation:TRANSLATION
Publication:Sister Namibia
Date:Jul 1, 2016
Words:888
Previous Article:Okulya to longitha iitopolwa ine yomaiyuvo ihe kuwete ko nomeho.
Next Article:Accepting shame.

Terms of use | Privacy policy | Copyright © 2021 Farlex, Inc. | Feedback | For webmasters