Soos 'n perkament stryk ek jou oop.

   Soos 'n perkament stryk ek jou oop,
   versigtig met antisipasie.
   Jou vergete plekke stof ek af,
   blaas die pulwer weg, saf my kwas
   tot verhole kontoere bloots gaap
   uit 'n slaap uit. Groot goue letters
   sweet op jou vel. Geduldig tel
   my vingers jou vrugbare mites.
   --hierogliewe lees is 'n kuns--
   Ek bestudeer jou rites. Met kusse
   dekodeer ek jou geheimenisse.

   Na die lesing hou ek jou dop
   --bewonder jou eers--roi jou dan sagkens op
   en vertel vir niemand niks nie.