Interieure dagdroom.

Interieure dagdroom

   Eendag op 'n reendag,
   toe dit nie reen nie,
   die hoenders nog tandeloos
   en perde steeds horingloos is,
   toe speel ek en jy saam:

   Ons bou kastele met wolke,
   versier dit skaam-skaam
   met ons eie lywe, gedrapeer
   soos kaal fiuweelgordyne
   voor groot voyeur-vensters,
   of oor tafels, komplekse
   persiese matte op die vloer
   volborstige kussings op sofas,
   satynlyne wydsbeen van die bed af,
   wulpse sagtewang rokoko-skilderye
   teen hardebaard mure.

   So speel-speel ons lang ure
   lank ons binneshuise vryery.