Die wereld is die hemel nie.

Die wereld is die hemel nie

Ek sal 'n doellose swerwer wees--Kain

   Siesta vir Kain (1)

   'n Ou dorstige in die ver Pirenee
   slof besweet en met pynlike tree
   na die yskoue bier
   in die oog by die rivier,
   maar die kroegbaas se: "Rustyd nou! Ongelee!"

   Reise, geklassifiseerd

   Na Die Burger se sterftes en hoere,
   voor fraai wiegies en merries vir boere,
   tussen togas vit pastore
   en papegaaitjie verlore
   bied Verlate Vallei-en-Hel-toe mooi toere.

   Skisofreen

   In woestyne van gloeiende sand
   skep hy mild met sy magtige hand
   koele waters waar rus is,
   waar groen weides 'n lus is
   en geen beendere vergeet-ver wegbrand.

   Bestekopname

   'n Siberier te fiets in die modder,
   wat al weke deur pappery flodder:
   "In my band weer 'n gaatjie!
   Nerens hoop op 'n naaitjie!
   Heilige Maagd! Moet ek nog langer bodder?"

   Innie kring vannie spotters

   Ska'wag Krools hyl oor skaap wat verstrooi is
   en oor sononner oordeelsdagrooi Js.
   Hy, die kenner van smarte,
   weet die dronkverdriet is swartste
   assie ooie kom kringmaak, soes om dooies.

(1) Kain: Gehuggie in 'n diep kloof aan die einde van die aarde. Die plaaslike voorvaders het Kain vernoem omdat hy sy swerftog glo hier moes staak.