Cyfrinachau cwpwrdd Nia.

Byline: Gan GWENAN DAVIES

GYDA'R bumed gyfres o Cwpwrdd Dillad yn cael ei darlledu ar S4C ar hyn o bryd, mae'r cyflwynydd Nia Parry wedi busnesu a thyrchu drwy ddegau o gypyrddau wrth iddi deithio ar hyd a lled Cymru ac ymhellach.

Yn cael y cyfle i gyfuno dau ddiddordeb, sef ffasiwn a sgwrsio, mae Nia wrth ei bodd yn cyflwyno'r gyfres. Ond, pe bai'r cameru yn troi arni hi, tybed beth fyddai'r gwylwyr yn ei ddarganfod yn llechu yn ei chwpwrdd dillad? "Fyddwn i ddim yn licio i bobl ddod i dyrchu yn fy nghwpwrdd dillad i achos mae golwg ddifrifol arno fo!" meddai Nia dan chwerthin.

"Roedd gen i andros o walk-in wardrobe pan oeddwn i'n byw yng Nghaerdydd, ond ers i mi symud i Rostryfan, jyst cwpwrdd dillad cyffredin sydd gen i. Ro'n i mor siomedig achos does gen i ddim chwarter gymaint o le a dwi wedi cael gwared ar lwythi o ddillad, sydd wedi bod yn beth da, ond yn rhywbeth anodd iawn i'w wneud," meddai.

Ond, wedi cael gwared chymaint o ddillad, a oes gan Nia unrhyw ddilledyn sydd ag ystyr arbennig iddi na fyddai byth yn cael ei wared? "Mae gen i br o fenig lledr hufen bendigedig ar l nain. Dwi wastad yn meddwl y dylswn i eu gwisgo nhw, ond maen nhw wedi eu plygu'n ddel ac wedi eu cadw yn y bag y daethon nhw,," eglura Nia sydd hefyd yn cyflwyno'r rhaglen gwis O ond 1 gyda Morgan Jones ar S4C.

Dros y bum cyfres o Cwpwrdd Dillad mae rhai o enwau mawr Cymru wedi ymddangos ar y rhaglen. Yr wythnos hon bydd Nia yn darganfod mwy am ddillad Tim Rhys-Evans, arweinydd cr meibion llwyddiannus Only Men Aloud! yn ogystal chlywed am hoffter y cyflwynydd Alex Jones a'r actores Lauren Phillips o ddillad cynllunwyr y stryd fawr, cyn cwrdd Paula Morris-Jones o Gaernarfon sy'n casglu ffrogiau priodas.

Un enw y mae Nia'n cyfaddef y byddai wrth ei bodd yn cael twrio drwy ei gwpwrdd dillad, "jyst achos ei fod o'n ddel!" meddai, yw'r canwr Mark Evans. Ond cwpwrdd pwy sydd wedi gwneud yr argraff fwyaf ar y gyflwynwraig a fagwyd yn Llandrillo yn Rhos? "Er mai dim ei chwpwrdd hi oedd o, mi oedd y rhaglen ar Eleri Lynne sy'n guradur yn Amgueddfa'r V&A yn arbennig. Roedd yna ffrogiau bendigedig gan Christian Dior a ffrog gan Givenchy wnaeth Audrey Hepburn ei gwisgo yn y ffilm Sabrina," meddai Nia.

"A thra o'n i yno mi ges i hefyd drio pr o 'sgidia Christian Louboutin ymlaen ac mi oeddan nhw mor brydferth!" Mark Evans Gyda steil yn newid o dymor i dymor, a yw Nia wedi dysgu llawer am ffasiwn wrth gyflwyno'r Cwpwrdd Dillad? "O ydw," meddai'n bendant. "Dwi'n meddwl mai'r peth pwysica' dwi wedi ei ddysgu ydy i ddod i adnabod fy sip fy hun, a tydi o ddim ots beth wyt ti'n ei wisgo, dim ond dy fod yn ei wisgo hyder.

"Mae gweithio ar y gyfres yn brofiad ffantastig. Ond mae'n rhaid i mi gyfaddef mai'r bobl a'u straeon ydy'r hyn sydd yn aros yn y cof yn fwy nag enw unrhyw label."

. This week on Cwpwrdd Dillad, Only Men Aloud! conductor, Tim Rhys-Evans opens his wardrobe to Nia Parry. We also learn more about why two well known faces love designer clothes at high street prices, and we take a tour through the ages with Paula Morris-Jones' collection of wedding dresses. But if the tables were turned, and the cameras came to presenter Nia Parry's house, what would we find in her wardrobe? CCyyffllwwyynnyydddd wweeddii ggoorrffoodd ccaaeell ggwwaarreedd aarr llaawweerr oo''ii ddiillllaadd CWPWRDD DILLAD S4C, nos Fawrth, 9pm, English and Welsh subtitles available

CAPTION(S):

Mark Evans