Brandon am gael gwell lwc y tro hwn?

DYW Brandon Monk heb gael fawr o lwc gyda'i fywyd carwriaethol, ond ar l iddo gusanu Dani Thomas yr wythnos diwethaf, ydi pethau'n argoeli'n well i un o gymeriadau mwyaf hoffus Pobol y Cwm? Ers iddo gyrraedd Cwmderi gyda'i deulu yn 2001, mae Brandon wedi cael sawl perthynas gythryblus.

Cafodd affr gyda Kath Jones a'i merch Stacey ar yr un pryd a bu'n ailgynnau tn ar hen aelwyd gyda Rhiannydd, mam ei blentyn. Priododd Julie ond aeth pethau ar chwl pan gafodd hi affr a gadael y Cwm am fywyd newydd yng Nghaerdydd.

Dechreuodd cyfeillgarwch Brandon a Dani ar l iddo ei helpu hi gyda helynt dyledion ei mam, Wendy, ac ar l wythnosau o fflyrtio di-ri, fe rannodd y ddau gusan o flaen cwsmeriaid syn Y Deri.

Ond beth nesaf i Brandon a Dani, a beth fydd ymateb trigolion y pentref? Mae Nic McGaughey sy'n chwarae rhan Brandon ac a ddaw yn wreiddiol o Dreforys, wedi mwynhau gyrfa lwyddiannus yn actio ar lwyfan, teledu a ffilm, gan gynnwys y ffilm Gladiator, gyda Russell Crowe.

"Brandon oedd arwr Dani pan oedd hi mewn trwbl," esbonia Nic, "ac ers hynny mae'r sbarc rhyngddyn nhw wedi cynyddu. Ond mae'n dipyn o sioc i Brandon fod merch bert, hanner ei oed yn ei hoffi. Ar l popeth ddigwyddodd gyda Julie, mae'n gymeriad hawdd ei frifo.

"Barn pobl eraill sy'n effeithio ar berthynas y ddau i fod yn onest, gyda lot o bobl yn hel clecs am y gwahaniaeth oedran. Mae hyn yn effeithio ar y pr, sydd ar bigau'r drain ar l y gusan yn y Deri."

Tybed a fydd yna ddyfodol hapus i Brandon a Dani, neu a fydd anlwc Brandon yn parhau?

CAPTION(S):

Brandon Monk (Nic McGaughey) Pobol y Cwm S4C, Llun - Gwener, 8pm English and Welsh subtitles available s4c.co.uk/pobolycwm