Ar eich beic dros achos da.

Byline: Gan TUDUR HUWS JONES

MAE trefnydd taith feicio flynyddol, i godi arian at Ymchwil Lewcemia, wedi galw ar feicwyr o bob cwr i gymryd rhan yn y digwyddiad.

Y llynedd cymerodd dros 300 o feicwyr ran yn Beicathon Brenig, a'r gobaith yw y gellir curo hynny eleni.

Cynhelir Beicathon Brenig ddydd Sadwrn (Medi 5), lle bydd beicwyr yn teithio'r 10 milltir o amgylch Llyn Brenig. Ond pe bai rhywun yn dymuno, mae'n bosib i bobl a phlant godi arian trwy seiclo dim ond rhan o'r daith, neu wneud cyfraniad at yr achos.

Mae dros 24,000 o bobl yn y DU yn dioddef o lewcemia neu ganser gwaed arall bob blwyddyn, ac mae gan drefnydd y daith, Huw Jones o'r Wyddgrug, brofiad personol o effaith y salwch ar deuluoedd.

Dioddefodd ei wraig Liz o'r cyflwr ym 1988, a derbyniodd drawsblaniad mr yr esgyrn bryd hynny. Llwyddodd i ddod drwyddi, ond ymhen blynyddoedd fe ddaeth y salwch yn l a bu farw ei wraig yn 2001.

"Mi wnaethon ni sefydlu cangen yn Yr Wyddgrug i godi arian at Ymchwil Lewcemia ym 1988, felly mae'n mynd ers 21 mlynedd eleni," meddai Huw.

"Mae gynnon ni tua 40 o helpwyr, y mwyafrif yn Gymry Cymraeg, sydd wedi bod yn ffyddlon dros ben, ac mi fydd nifer ohonynt yn stiwardio yn ystod y Beicathon."

Mae'r daith yn cychwyn rhwng 10 a 10.30 fore Sadwrn, o Ganolfan Ymwelwyr Llyn Brenig, a bydd y beicwyr olaf yn cychwyn am 2pm.

Mae'r rhan fwyaf o'r daith yn mynd trwy lwybrau pwrpasol a choedwigoedd ar gyrion y llyn. Mae nifer o lefydd picnic ar y ffordd pe bai teuluoedd am gymryd hoe fach ar y daith. Ac mae digon i'w weld yn y ganolfan ymwelwyr ar l cyrraedd yn l.

Mi fydd stiwardiaid wrth law ar bob rhan o'r llwybr, a bydd diodydd hefyd ar gael yma ac acw. Bydd pawb sy'n cwblhau'r daith yn derbyn medal a chrys-t. Mae'r arian a godir yn mynd tuag at elusen Leukaemia Research, sydd angen codi dros pounds 100 million yn y pum mlynedd nesaf er mwyn ymgymryd gwaith ymchwil newydd.

"Yn dilyn llwyddiant y llynedd, pan gymerodd dros 300 o feicwyr ran, rydym yn gobeithio gweld llawer mwy eleni," meddai Huw.

"Pe bai chi'n chwilio am sialens i'ch ffitrwydd neu dim ond yn ceisio cael diwrnod gwych yn yr awyr agored, mae'r Beicathon yn hwyl i'r teulu cyfan.

"Gyda'n gilydd gallwn wneud gwahaniaeth i fywydau'r rheiny sydd wedi eu heffeithio gan lewcemia, lymphoma, myeloma neu ganser gwaed arall."

Mae'r trefnwyr yn gofyn i bobl gofrestru ymlaen llaw, ond nid yw hynny'n angenrheidiol - gallwch droi i fyny ar y diwrnod a chymryd rhan.

Am ragor o wybodaeth, neu i gofrestru ffoniwch Huw Jones ar 01352 754087 (neu e-bostiwch [e-mail]).

Gallwch hefyd gofrestru ar wefan www.bikeathonbritain.co.uk.

Mae'n costio pounds 5 i oedlion pounds 3 i blant 7-15. Mae beicwyr dan 16 yn gorfod cael sl bendith oedolyn i gymryd rhan, ac os ydynt dan 11, mae'n rhaid iddynt fod dan oruchwyliaeth oedolyn sydd hefyd yn cymryd rhan yn y Beicathon. Mae'n bosib cofrestru ar y diwrnod am pounds 10 (oedolion, pounds 5 plant), ond mae'n bosib na fyddwch yn derbyn crys-t na medal.

CAPTION(S):

Llyn Brenig ger Cerrig-y-drudion - lleoliad perffaith ar gyfer taith feics, a chyfle i godi arian at Ymchwil Lewcemia Huw Jones - trefnydd Beicathon Brenig