3. Three is a crowd.

3. Three is a crowd

   Gewoonlik begin hy die spel
   die uitnodiging tot die dans,
   my mansvriend en voorste kontjagter,
   sjarmeerder van vroue
   en kenner van verleiding.
   Sy girls smaak my ook. Saam maak ons jag
   opal die vrouens, gewillig en onwillig,
   gelukkig en veral ongelukkig. O sy staf
   vertroos en behoed hulle. My hand
   paai en benaai hulle. Altyd op pad. Op soek
   na nuwe vlees. Na nuwe bloed. Oorwinnings.
   Mevrou So-en-So, hartstogtelik ongelukkig getroud.
   Ontplooi, gewaks, gemannekyn, lief ons. Vir my en veral vir hom.
   Juffrou Dit-en-Dat, kliniese sielkundige, bedien ons
   van vleeslike raad. En tant Miena kook stroop van die meboskonfyt.
   Miss Prokureur/Staatsaanklaer, kla ons aan van vleeslike gedrag
   en ander ondermynings van die staat. Ver in die wereld, Kittie,
   Kittie.
   Ons drie tesame: man, vrou en mannin
   laat die poppe dans. En die volkies koring sny.
   Die hele santekraam had ons onder die knie en hand.
   Dis net, dis net dat in die liefdespel
   ten spyte van geduldige, liefdevolle aanwesigheid,
   bly ek immer die vyfde wiel
   aan hierdie voortrollende, tuimelende wa,
   want hul lus net piel.