: Oes. Mae yna fwy o'r Porc Peis Bach; Mae cyfres newydd o'r rhaglen boblogaidd ar ei ffordd. Gan Ian Parri.

CYNGOR doeth i berfformwyr ar hyd yr oes fu i beidio byth a gweithio efo plant nac anifeiliaid. Yn wir i'r digrifwr Americanaidd W C Fields gam ymhellach. Pan ofynnai rhywun iddo sut oedd o'n hoffi plant, ei ymateb wastad fyddai: ``Wedi eu ffro''.

Ond fyddai Wynford Ellis Owen byth yn cytuno efo'r fath sylwadau. Gwnaeth enw i'w hunan dau ddegawd yn l ymysg y to iau efo'i bortread gelfydd glownaidd o'r cymeriad Syr Wynff ap Concord y Bs, gan chwarae gyferbyn Mici Plwm yn rl Plwmsan y Twmffat Twp.

Ac ers pedair blynedd bellach bu'n portreadu y Parchedig Donald Parry yn Porc Peis Bach, sydd 'r gyfres gyntaf yn cael ei hail-darlledu ar hyn o bryd, yn ogystal bod yn gyfrifol am y straeon a'r sgriptiau.

Er iddo ail-afael yn ei berthynas broffesiynol efo Mici Plwm yn y gyfres, yn ogystal myrdd o actorion hynod brofiadol eraill, mae'n debyg na fyddai'n gwarafun i'r actorion ifainc yn y rhaglen eu talp hwythau o'r clod.

Fyth ers y gyfres gyntaf 'nl ym 1998, bu'r straeon yn olrhain hanesion Kenneth Parry - a bortreadir gan Sin Trystan Roberts - wrth iddo geisio ymdopi 'r straen o fod yn fab i weinidog, a'i wraig chwit-chwat, 'nl yn y chwedegau chwyldroadol.

``Yr hyn ydan ni'n ei wneud ydy dilyn Kenneth wrth iddo dyfu i fyny,'' meddai Wynford Ellis Owen. ``Mae hynny'n golygu nad ydyn ni'n aros yn ein hunfan. Yn y gyfres hon mae o'n mynd ni at ei gyfnod arholiadau Lefel-O, ac os bydd cyfres arall aiff hynny a ni at ei arholiadau Lefel-A, ac efallai wedyn i'r coleg. Gawn ni weld sut fydd pethau'n datblygu wedyn.''

Ac yntau ei hun yn fab y Mans, wedi ei fagu yn ardal chwarelyddol Dyffryn Nantlle, roedd hi'n anorfod bron bod elfen o hunangofiant yn ei sgriptiau. Ond mynna bod hynny'n llai gwir erbyn heddiw, efo'r bedwaredd gyfres o Porc Peis Bach yn y broses o gael ei ffilmio ar gyfer ei dangos yn ddiweddarach eleni.

``Roedd llawer o'r gyfres gyntaf yn hunan-gofiannol, ond ers hynny wrth gwrs rydw i wedi rhedeg allan o straeon,'' ychwanegodd, gan gymryd saib fechan o'i amserlen dynn, wrth i'r gwaith ffilmio fynd yn ei flaen ger rhes o fythynnod taclus yn Ninas ger Caernarfon.

``Dwi'n gorfod dibynnu llawer iawn ar fy nychymyg ran. Ond mae'r rhan fwya' o'r straeon wedi eu seilio ar rywbeth sy'n wir ac o 'mhrofiad i.

``Mae gosod cyfres mewn cyfnod arbennig yn arddull poblogaidd iawn. Un peth da am wneud rhaglen fel hon ydy na fydd hi'n dyddio. Efo cyfresi wedi eu gosod yn y presennol, ymhen ychydig o flynyddoedd mi fyddan nhw'n edrych yn ofnadwy o hen ffasiwn. Ond o'i gosod hi mewn cyfnod mae'n bosib' ei defnyddio hi am byth.

``Mae hon wedi dal dychymyg y gynulleidfa am ryw reswm. Efallai bod y ffaith fod 'na lawer o'r abswrd ynddi, yr hyn sy'n digwydd ym mreuddwydion pobol, yn apelio. Mae hynny wedyn yn rhoi caniatd i wneud unrhyw beth oddi mewn iddi, mewn gwirionedd. Dyna sy'n ei gwneud hi'n dipyn bach yn wahanol. Mae rhywun yn gallu mynd i unrhyw le, i'r India, i'r nefoedd, neu i ddweud ein bod ni'n mynd i uffern.''

Mae'r gwaith ffilmio yn llafurus, ac mae'n cymryd hydoedd ar adegau i gael clip gorffenedig o ychydig o eiliadau'n unig.

Roedd Wynford Ellis Owen ei hun yn rhan o un olygfa arbennig pan ymwelais 'r set, yn dal fel polyn teliffon ac yn ymarweddu'n berffaith i weinidog sych o'r chwedegau yn ei goler gron, ac yn ceisio cael arch rhywun i gefn hers. Ond mynna ei bod hi'n hollbwysig cadw at y sgript hyd at y sillaf a'r anadl olaf, waeth pa mor hir y cymer i saethu'r olygfa'n eirwir berffaith.

``Pe byddai rhywun yn darllen y sgriptiau, mi fydden nhw'n gallu dychmygu yn union beth fyddai'r olygfa derfynol. Does yna ddim newid. Dydy hynny ddim yn gyffredin efo teledu, ond mi ydw i'n hoffi hynny.

``Mae 'na ryw rhythm arbennig iawn i'r gyfres, ac mi fydda i'n ei glywed yn fy mhen. Os nad ydy o'r un rhythm yn orffenedig, mae'n taro nodyn amhersain iawn yn fy mhen, ac wnaiff o ddim gweithio.

``Dwi'n sgwennu yn ffonetig yn arbennig ar gyfer pob cymeriad, a chan fy mod i'n gwybod beth ydy cryfderau'r actorion mi fydda i'n tro sgwennu ar eu cyfer nhw.''

Mae'r criw yn gorfod aros eto wrth i'r trn bach sy'n rhedeg gerllaw chwythu cymylau o sn a stm i'r awyr, yr olwynion yn gwichian a sgrech ei bib yn dychryn yr adar wrth atseinio drwy'r coed. Mae'r cyfarwyddwr Huw Thomas yn codi ei ysgwyddau fel arwydd o ildio, efo'r trn wedi ennill y frwydr am y tro.

``Mae lot o drafferthion yn gallu codi, ac mae'n rhyfeddol ein bod ni'n llwyddo i wneud unrhyw beth ar brydiau,'' meddai.

``Dyna chi'r tywydd i ddechrau, gyda'r haul yn dod allan neu'n mynd mewn pan nad ydych chi mo'yn iddo wneud. Dyw hi fawr o bwys sut mae'r tywydd, dim ond ei bod hi'n aros yr un fath tan eich bod chi wedi gorffen yr olygfa.''

CAPTION(S):

POBLOGAIDD: Golygfa o'r gyfres newydd o Porc Peis Bach, sy'n cael ei ffilmio ger Caernarfon, gyda Trystan Roberts, dde