: Marciau llawn i Gweno yn yr ysgol brofiad.

YSGOL brofiad ydy'r ysgol orau, meddan nhw. A hyd yn oed chwithau yng nghanol cwrs prifysgol, sydd o reidrwydd yn ceisio gwrthbrofi gosodiad o'r math, mae'n anodd dadlau yn erbyn y syniad.

Mae'n debyg y basai Gweno Glyn yn mynnu ei bod yn cael y gorau o'r ddau fyd. Mae'r actores 20 oed o Nanhoron ym Mhen Llyn ar fin gorffen ei hail flwyddyn ym Mhrifysgol Bangor, lle mae hi'n dilyn cwrs gradd mewn Astudiaethau Theatr a Chymraeg. Mae hi hefyd yn portreadu Ceri yn y gyfres ddrama gignoeth Pen Tennyn (S4C, Nos Sul, 9pm), a gafodd ei ffilmio i raddau helaeth ym Mhwllheli.

Teimla Gweno fod Pen Tennyn wedi bod yn brofiad arbennig iddi. Roedd y sgript o waith Gareth F Williams a'r cast o safon uchel, meddai, a'r dechneg a ddefnyddiwyd wrth gyfarwyddo'r gyfres yn un arbennig iawn.

Wrth ffilmio, roedd y camera'n dilyn y cast wrth iddyn nhw symud yn naturiol o amgylch y set.

Roedd ganddynt rwydd hynt i symud heb i unrhyw symudiad gael ei benderfynu o flaen llaw.

``Doeddach chi ddim yn gorfod poeni lle roeddach chi'n cerdded, ac mae'r camera hefyd yn weddol agos atach chi, sy'n rhoi'r teimlad i'r gwyliwr ei fod yn busnesu bron ym mywyd y bobol yma,'' meddai.

``Mae'n eitha' hawdd i'r actor ymgolli yn yr olygfa. Mae'r cymeriadau i gyd arbigau'r drain, a phan rydych chi'n cael golygfa llawn emosiwn mae'n tynnu tipyn allan ohonach chi.

``Ac mae bod yng nghwmni actorion mor adnabyddus wedi bod yn wych. Mae'n chwip o gast. Mae nhw wedi bod mor barod i fy helpu.

Wna' i byth anghofio hynny.''

Ar l disgleirio yn y gyfres gyntaf yn rl y ferch ifanc a gollodd ei mam mewn damwain erchyll ar Noswyl Nadolig, roedd Gweno wrth ei bodd i gael rhan yn yr ail gyfres. ``Roedd yn wych cael y cyfle i gymryd rhan, ac roeddwn yn teimlo fy mod i'n dod yn l at hen ffrindia. Er bod bron i flwyddyn a hanner wedi mynd heibio ers i ni ffilmio'r gyfres gyntaf, roedd yn syndod mor hawdd oedd dod yn l at y cymeriadau.''

Mae Ceri yn gymeriad sy'n llawn emosiwn, ac mae hi'n dal i feio ei hun rywfodd am farwolaeth ei mam. Mae cyfleu'r teimladau sy'n chwyrlo drwy ei hymennydd yn gryn her i actores ifanc, ond mae Gweno yn teimlo iddi lwyddo. Os bu unrhyw amheuaeth mai troedio'r llwyfannau a pherfformio o flaen y cameru fu tynged Gweno, maen nhw'n brysur cilio.

Dywed ei bod wrth ei bodd yn cael y cyfle i wneud pethau gwahanol.

``Dwi wedi ymuno efo Theatr Ieuenctid Mn, ac mi fyddai'n chwarae rhan Branwen mewn sioe gerdd sy'n cyflwyno stori Branwen ferch Llyr, a fydd yn cael ei pherfformio ym mis Gorffennaf,'' meddai.

Pen Tennyn S4C, Nos Sul, 9pm