: Byd afresymol lle mae botymau yn codi ofn.

PAWB 'i fys lle bo'i ddolur, meddai'r hen air, ac yn sicr mae nifer ohonon ni ag ofnau sy'n gallu swnio'n hollol afresymol i eraill.

Tra bod ofni uchder neu hedfan mewn awyren yn ffobias digon cyffredin, a dealladwy mae'n debyg, nid felly pob dim sy'n codi dychryn ar bobol. Mae gan ambell i berson ofn pethau cyffredin fel llygod neu bryfaid cop, ond bydd Profi@d (S4C, Nos Iau, 8pm) yn sn gwirioneddol am bethau sydd i boboleraill yn bethau bob-dydd hollol gyffredin. Ia, pethau fel swigod a botymau. Ac mae'n hybys iawn bellach bod Dai Jones, Llanilar yn un o'r creaduriaid prin rheiny sydd 'i waed yn fferu pan mae'n gweld cath.

Bydd Cerys Bowen, chwith, sy'n gyflwynydd teledu, yn datgelu ei hofn hi o fotymau a sut, yn anghyffredin ddigon, bod ei chariad hefyd yn rhannu yr un ffobia.

Profiadau bywyd yn ei holl amrywiaeth ydy'r cyd-destun sy'n rhedeg drwy'r gyfres. Ac yn y rhifyn olaf o'r gyfres bresennol yr wythnos nesaf 'ma mi fydd Ffion Dafis a Iolo Williams yn mynd o dan groen profiadau unigol a phersonol pobol. ``Mynd o dan wyneb profiadau o bob math fyddwn ni, gan edrych i mewn i'n meddyliau, pob un 'i olwg wahanol ar y byd,'' meddai Iolo.

Hefyd yn y rhaglen bydd criw o bobol ifanc yn eu harddegau o Gaerdydd yn sn am eu perthynas efo'u rhieni, a'r pethau sy'n eu gwneud iddyn nhw wingo mewn cywilydd. Bydd un yn sn am wallt ei dad ac un arall am chwaeth gerddorol a throwsus rhy fyr ei mam.

Er i Ffion Miles fod yn hynod fyr ei golwg, mae hi'n byw bywyd hollol annibynnol. Mae'n gweithio i Radio Cymru ym Mangor, ac yn byw mewn fflat yn Llandudno. Mi fydd yn siarad am ei phrofiad hi o fywyd, a beth sy'n ei galluogi i fod yn berson hapus a bodlon.

Ac mi fydd Steve Wyn Williams yn trafod bod yn dad sengl sy'n rhannu gofal o'i ferch efo'i gyn-gariad. Ac mi fydd y ffotograffydd Keith Morris yn bwrw ei fol am y ddraenen yn ei ystlys sy'n gwneud ei fywyd yn Aberystwyth yn ddiflas, sef y gwylanod.

Profi@d S4C, Nos Iau, 8pm